الأحد، 29 ماي 2011

منامة ...



البارح في الليل جاتني منامة ... شفت فيها أجمل حمامة ... كانت بيضاء ، لا شقراء ... نسيت ... نسيت الشكل و اللون ... أما باقي نتفكر المضمون ... شفت فيه تاريخ الولادة ... وكيف قالتلي نقص من البلادة ...معاش وقت عليك ... يزي من النوم يهديك ... تحرك وحل عينيك ... 

قداش عجبني صوتها ... بكلو حنان ، بكلو دفا ، وغلا ... بكلو أمان ... وجهها كان يشعشع نور ... مش كيف بقية الطيور ... وأنا نعشق فها وكأني مسحور ... نراقب فيها وفي تحركاتها ...ما أروعها كيف تخفق بجناحاتها ... هزت جناحها وقربتلي ... ولصدرها ضمتني ... كانت ليا أنعم وسادة ... شربتلي شقايا وتعبي ... فرغتلها قلبي المعبي ... دموعي تنشفو في حضنها ... تمنيت وأنا في حماها نرجع صغير ، نلعب من تحت خصرها ... نجري ونشاكش ووقت نتعارك تواسيني ... وقت يطيب الفطور تناديني ... وكي نمرض ببسمتها تشفيني ...

تحرسني في الليل ... توكلني ، تشربني ، وترقدني كيف نفيق ... تخرجني من كوابيس الدنيا إلي فيها وليت غريق ... تمنيت نشوف روحي فيها ... نغرق في عينيها ... تحليلي الدنيا ومن ألوانها تعطيها ... 

حلقت الحمامة بعيد ... وحلقت معاها أحلامي ... حليت عينيا ولقيت تصويرتها قدامي ... 

أمي ... إلي رضعتني وداواتني ...كبرتني وبعطفها حماتني ... سهرت الليل تنشفلي في دموعي ... تحرمت مالنوم ونساتني جوعي... أمي ... شكون غيرك يفهمني كيف نبدى فرحان ، ويفهمني كيف نبدى تعبان ... شكون غيرك يعرفني فاش سرحان ... صوتك كيف نسمعو خيرلي من ألاف الألحان ... ندور العالم وصدرك يبقى أحلى مكان ...  أمي ... سامحني كان نهار وجعتك ... سامحني كان بكيتك ... سامحني كان غبت ونسيتك ... سامحني كان ما هزيتش عليك التليفون و محيرة خليتك ... على خاطر كنت عندي ما نعمل ، على خاطر عندي مع شكون نحكي ... سامحني يا أمي من قلبي  نوعدك تشوفني على قريب ، وننساو الماضي الصعيب ...  
abuiyad

10 تعاليق:

chraigui يقول...

فنان

Unknown يقول...

nchalah 3an 9rib tchoufha caliméro ;)

كاليمارو يقول...

Maliberte:
Merci :)

Nawras:
zaretni el barka :) et merci pour el d3iwa :)

sakkouhi يقول...

زعمه تكفي اللغه باش نترجمولها حبنا ؟

كاليمارو يقول...

السؤال متاعك يحمل الجواب بان طياته صديقي :)

غير معرف يقول...

ربّي يرد غربتنا الكل,,
ويوصلك لميمتك على قريب في خير حال
حرام عليك بكيتني توا شكون بش يسكتني؟؟
اااااه

ربي يباركلك في الميمة,,

كاليمارو يقول...

manichena :

Merci w rabi y5alik w yfadhelek omek :)
aya blech bka2 houni :p
t7eb mouchoir ?

غير معرف يقول...

لا ميسالش هوكا مسحت في مريولي
:)

شركة تسويق الكترونى يقول...

شركة نور الهدى 0509344560 نقوم بمكافحة ورش العتة وكذالك مكافحة ورش بق الفراش بمكة ونقوم برشها عبر بمبيدات حشرية
أمنة على صحتك وعلى صحة اطفالك
شركة مكافحة العتة بمكة
شركة رش العتة بمكة
شركة مكافحة بق الفراش بمكة
شركة رش بق الفراش بمكة
شركة مكافحة حشرات بمكة
شركة رش حشرات بمكة

elmnzel يقول...


شركة مكافحة العته بالمدينة المنورة

 نحن افضل شركة مكافحة العته بالمدينة المنورة و التي تستخدم مبيدات حشرية فعالة و ادوات حديثة في التخلص من العته عن طريق فرق عمل متخصصة في مكافحة العته , نقدم خدمة مكافحة الحشرات بالمدينة المنورة على اعلى مستوى كفتءة فنحن نملك خبرة في هذا المجال لاننا نستخدم أقوى وأجود أنواع الرش الحديث الذي يقضي على جميع أنواع الحشرات بسهولة و دقة

مكافحة حشرات بالمدينة المنورة

http://elmnzel.com/pest-control-medina/

إرسال تعليق

أعطي رايك