الشهادة ... أحلى هدية ... للناس الحية ... ليك وليا ... للأخوة وللأحباب ... للأحياء للوطن وحتى للجبناء ...
الشهيد يهدي أغلى ما عندو إلى من يخلفو بعدو ...
الشاهدة ما يعرفوها كان الرجال ... الشهادة ما هياش ملوحة عالمادة ... يلزم تجريلها وتستقبلها بصدر رحب ... تقبل أنك تكون معبر ... ممر ... قنطرة يتعدى عليك إلي يسوى وإلي ما يسواش ... من أجل مستقبل أحسن، من أجل رسم البسمة لأحفادك ، من أجل أن تدون على صفحات التاريخ بدم قلبك ...
الشهادة ... هي إيمان بالتغيير ... إيمان بالإنسانية ... إيمان بالرحمة في الأرض هاذية ...
الشهيد انسان صنديد ... قلبو حديد ... عندو فخر وعزة ... وكرامة ... هو كالنسر يحلق عليا شامخا لا يبالي بما يجري في عالم الخيانة ... الشهيد دمه غالي ومجيد ... الشهيد ما عندناش منو برشة ... الشهيد قلبو أبيض ... مش يتبرع بأعضاء أو بالدم ... يتبرع بحياة كاملة ... انسان يعطيك حياتو لا يعرفك لا تعرفو ... لا شافك لا شفتو ... أما فكر فيك ... فكر في حاضرك ومستقبلك ... وحب يفسخلك ماضيك ... الماضي الجبان ... متاع المكسي العريان ...
الشهيد اليوم ودعناه ... في تاريخنا قيدناه ... وفي حكايتنا نسيناه ... لا عاد تسمع اسمو ولا تشوف تصويرتو ... الشهيد إلي وحدلنا كلمتنا ... الشهيد إلي فرحلنا حومتنا ... الشهيد إلي خلانا نحلمو ... ونفلمو ... ونحكيو إلي احنا فايقين واعيين ... وفي مطالبنا ماناش مسلمين ...
إي متفقين و ... الشهيد الله يرحمو ... أدى واجبو ... وحتى حد لا قالو موت ... صحيح خلا امو ومرتو ... وخواتو وصغارو ... خلا دارو وقطع عنهم اخبارو ... صحيح العدة مازالت ما تمتش ... والدموع ما تمسحتش ... القلوب مجروحة و الجراح مفتوحة ... فيهم شكون عطاووه تعويض ... شوية مصروف في بلاصت الحياة وإلي مات ...
احنا كي نحكيو على الشهيد تقول نحكيو على كأيها الناس ... لا قدر ولا إحساس ... فدينا و نحبو نرجعو للمعبوكة ... التبندير والتطبيل واللسان الطويل ... إلي يسبك سبو ونحيلو جدو ... إلي ما عجبكش أعملو ضحكة وقردو قدام الناس ...
احنا نحبو نقودو ثورات الأخرين ... ما تلهيناش بهمنا دورناها ... ليبيا ، يمن ، بحرين ... تي أكهو تحلتلنا ...وإلي مات موش منا ...
إلي مات اسمو شهيد ... شهيد الوطن ... شهيد الكرامة ... إلي خلا حياتو وما رضاش بالإهانة ... إلي خلالنا دمو وعقلو في شوارعنا ... نشربو وناكلو منها إذا جعنا ... احنا أوباش ، نحبو كل شي بلاش ... لا نعرفو قيمة ... لا لموت ولا لحياة ... روحي روحي ولا يرحم من مات ...
أحيي أرواحكم العطرة النقية من كل جبن وأنانية يا شهداء تونس ...
je culpabilise, finalement on est laches,merci calimero, tes écrits épousent à chaque fois mon ressenti
ردحذفsoulmate
ردحذفCulpabiliser, ce n'ai pas ce que je voulais laisser comme sensation, mais pultot une rage de venger notre sang, et de ne pas laisser les imbéciles nous mener la vie dure. Certes, dans mon texte il y a un mal ressenti et peut être transmit , mais c'est la moindre des choses qu'on puisse ressentir pour nos frères ...