اليوم تدوينة من نوع خاص ... مانيش من عوايدي نكتب هكة أما رهو الشي فات حدود المعقول ...عندنا فترة معشر المدونين ناكلو في بعضنا من حكاية "السرقة الإفتراضية" ! واليوم بش نبداو على بركة الله بموقع المنارة
اش معناتها "السرقة الإفتراضية" ؟ يعني أنك إنت انسان مدون ، فاتق روحك ومخك مخدم "سنكيام" و تكتب وتكمبز ، حاطت "كلافيي" بالعربي وتلقط فالحروف تلقيط ... يجي -حاشى إلي ما يستاهلش- حيوان يعمل "كوبي" "كولي" للنص متاع التدوينة من غير ذكر المصدر ...
الغريبة في الأمر أنه ساعات المدون يكون يحكي على سارق أو قلاب أو انسان لا يمت بالأخلاق بصلة والسيد يهز مغير ذكر المصدر ... يعني سارق مدونة تحكي على سارق ...
هنا نحب نركز على حكاية المصدر ، تنجم تهز ما فيها بأس أما تذكر المصدر يا أخي ، شوية إحترام للناس إلي مكسرة راسها وهي تخدم ... كلامي هنا موجه لبرشة صفحات في الفيسبوك إلي يقولو "من اداب الفيسبوك تحط "جام" وتبرتاجي" ولبعض المدوناة الفارغة وإلي تعمل على إستقطاب الناس باش تربح الفلوس بحكم أنها حاطة الإشهار في الموقع متاعها ( وهذم بالمناسبة أكبر سراق يستحقو طريحة نباشة القبور وشوف يترباو شوف لا) ...
هاذم يا جماعة يلزم زادة نقولولهم "ديغاج يا خماج" (هنا) ... يلزم يعرفوا أن إلي يعملو فيه مش معقول وما عندو حتى مبرر ... والسرقة يعاقب عليها المدونين ... واحنا لكم بالمرصاد ... إلي باش يسرق من هنا فصاعداً باش نشهرو بيه ونكرهوه فالانترنات ...
وكذلك ادعو التوانسة أنهم ياخذوا موقف من الناس هذي على خاطر دخولهم إلى الموقع متاعهم يجيبلهم فلوس ويشجعهم على السرقة ... أن يشهروا بهم كيف ما يشهرو ببقية السراق في تونس ...
باهي توا باش نعطيكم مثال على سرقة جديدة العهد البارح في الليل ...
الصديق المدون محمد تيتو كتب تدوينة في المتنوشة (هنا) ... تنشرت على الفيسبوك 7 مرات !
يجي السيد إلي "يكتب" في منارة (هنا) يهز المدونة من غير لا يشاور لا يناور ولا يذكر المصدر ... تدوينة فيها تقريب 5000 "جام" وتنشرت فوق الميات مرة (سرقة كسابة موش لعب) !! ... سرقة عيني عينك ، بالعنوان ، بالفقرات هما بيدهم ، الحروف كيف كيف ، تي حتى التصويرة يا بو قلب مسروقة ... تي الزح كي قدر عليك ربي وتعرف روحك مسطك وسارق بدل التصويرة أو حتى العنوان يا ديني ...غمها وهي ما تتغمش يا جحش ...
باهي باش ما يبدلوهاش ويزيدوا المصدر هاني عملتلكم التقاط صور للتدوينة من منارة :
 |
| هذي بداية المقال - إنزل على التصويرة كان تحب تكبر |
 |
| وهنا نهاية المقال باش تشوفو إلي ما ثماش مصدر ، أما ثمة إشهار يجيب الحنينات |
ملاحظة أخرى قبل ما نكمل ... أنا لاحظت أن في مدونة المتنوشة عملية "كوبي" "كولي" ما تخدمش ، يعني المدونة عاملة نوع من الحماية باش ما تتعرضش للحكاية هذي (ما عليكم كان تجربوا "كوبي" "كولي" وتو تفهمو قصدي) ... ولذلك مانيش فاهم السارق متاع منارة كيفاش عمل ؟؟ نقلوا فقرة فقرة ، كلمة كلمة ، حرف حرف أو كيفاش ؟ ... نتسأل هل أنه تحيل حتى في السرقة ؟ (أم أنها المشكلة هذي عند أنا برك ؟) ...
أخر كلمة ... أنا ادعو المدونين إلى أن نخدمو مع بعضنا ونشوفو كيفاش تولي عدنا حماية "قضائية" من غير تعقيدات ومحكمة للمدونات متاعنا ... عندنا مدونين محامين ومذابينا يشفولنا كيفاش نواجهو الظاهرة هذي ، خاصةً وأن الناس أصبحت تعبي في جيوبها على حساب المدونين ... زمان الغفلة وفا ، وكان ما ثماش طريقة قانونية لمنعهم وقتها نتفاهمو بطريقة أخرى !
entièrement d'accord, j'ai également été victime de plagiat de par un mag en ligne tunisienumérique, ils n'ont pas retiré mes photos, même après leur avoir envoyé un message pour exiger le retrait immédiat de ce qu'ils avaient plagié, ils se sont contentés de mentionner que les photos provenaient de mon blog sans se soucier ni de s'excuser, ni de me répondre, ni de prendre mon accord, le plus drôle, c'est qu''ils ont envoyé quelqu'un sur les lieux pour filmer une vidéo, les photos, ils s'en étaient servis dans mon blog
ردحذفأزال المؤلف هذا التعليق.
ردحذفje viens de m'apercevoir, qu'ils ont retiré les photos, qu'ils ont mentionné la source de la 1ère photo (il s'agit de l'AFP chose que je savais déjà lol)
ردحذفensuite, ils ont ajouté une photo d'un photographe étranger dont ils ont mentionné le nom)
:j'ai gardé des preuves pour ma part
http://olive2tun.blogspot.com/2011/02/quand-tunisienumerique-plagie-mes.html
http://olive2tun.blogspot.com/2011/02/tunisienumerique-ce-medias-qui-pique.html
Oliv de tun:
ردحذفBienvenue à toi mon ami :)
haha j'adore l'esprit ... on te vole , et si jamais tu te rends compte on ne te fera pas la pub, pas de merci, pas de désolé, rien de tout celà.
après tout tu n'es qu'un blogueur sans aucun droit.
et en réponse à ton mail, ils ont dit quoi ? (simple curiosité)
Ils ne m'ont bien sûr rien répondu, ils ne savent pas ce que c'est que le respect.Honnêtement,je n'ai réagi que parce qu'ils ont manqué de respect, s'ils avaient demandé la permission avant de publier les photos, je leur aurait accordé la permission volontiers et leur aurait même fourni des photos inédites que je n'ai pas encore publiées, mais quand j'ai vu qu'ils ont rogné les photos pour faire disparaître ma signature, j'ai compris qu'ils ne méritent pas de respect. Ce qui m'avait le plus motivé à me révolter, c'était à cause de l'amateurisme des sites qui se disent professionnels et qui ne ratent jamais l'occasion pour s'attaquer au blogging et aux blogueurs alors qu'ils les plagient et s'inspirent de leurs idées
ردحذفPour l'histoire de désactivation du copier/coller, en ayant le code source de la page, où on sauvegardant la page, on peut bien voler ce qu'il y a dedans, une façon de contrer cette semi-protection. Sinon normalement famma des lois y3a9bou 3al plagiats ...
ردحذف@ Oliv2tun:
ردحذفhaha tu sais que manara m'ont bloqué de leur page fcbk sans dire aucun mot ni mettre aucun réf sur l'article... sérieusement c'est devenue trop soulant !
@khottaf:
Oui, je sais que ça existe, mais n'empeche ils font l'effort pour contourner la semi protection et pas mettre la réf. c désolant wallah chay y3ayef