قبل ما ندخل في صلب الموضوع نحب نعمل مقدمة صغيرة بش نحكي فيها شوية على روحي (مش بش نحكي شنوا نلبس ولا قداش من طفلة طيحت ههه) :
أنا هنا بش نعطي رأيي ويمكن ساعات بش تطلعلي كلبة بنت الكلب ونبدى نهز ونصبت وحدي ... ولذا مذبية لو انو التعاليق ما تبداش تعاير فيا بقلة خبرتي فالحكايات إلي بش نطرقلها ... المهم حسب ما نرى هو أن نعطي وجهة نظر وكان غلط صلحوني !
قبل كل شي باش نحكي شوية علاش أنا التحقت بالحملة هذي ثم باش نطرق لما انتظر ملمبادرة هذي :
إلي حبيت نقولوا هو أنو يلزمنا نتوجهو للبنفسج بيبل بأساليب أخرى ... أساليب توريه إلي فما ناس تتكلم فالبلاد وإلي الناس هذي ما تحكيش بمنطق اخطا راسي واضرب ... يلزموا يعرف إلي فما عباد قاعدة تضحي بطرف حرية إلي عندها من أجل حرية البنفسج كونتري ...
عندي كذلك اقتراح صغير : بش نشجعو التدوين النجمو نعملو Mini Blog Awards تختار أحسن بلوغ كل شهر ... ألإختيار يتم بطريقة التصويت في مدونة حل بلوغ مثلاً ...
وفي خطوة ثانية وهي ما تقلش أهمية علولة هي كيفية إبقاء المدونين ... هنا حسب خبرتي القصيرة القديمة أخيب حاجة يعيشها مدون هي أنو يلقى البلوغسفير ماكلة بعضها ... الكلها تسب في بعضها وهو يصيح في وسطهم حتى واحد لاهو معبرو ... مذابينا لو كان القدم فالتدوين ياطروالحكاية من الناحية الأخلاقية وإلي ما يحترمش نفسو يتعاقب ...إنجمو مثلاً نعملو دستور للتدوين يحترم الإختلافات المنهجية والسياسية والدينية ...
هذي بعض الانتظارات الشخصية من الحملة هذي إلي نتمنلهة النجاح ...
بنفسجيست حر
نحب نقول إلي أنا مانيش سياسي متمرس ولا عالم في علم الإجتماع ولا عندي أي صلة بعيدة وإلا قريبة بالحكايات الهذي الكل ..
أنا هنا بش نعطي رأيي ويمكن ساعات بش تطلعلي كلبة بنت الكلب ونبدى نهز ونصبت وحدي ... ولذا مذبية لو انو التعاليق ما تبداش تعاير فيا بقلة خبرتي فالحكايات إلي بش نطرقلها ... المهم حسب ما نرى هو أن نعطي وجهة نظر وكان غلط صلحوني !
أنا هنا لأني استجبت لنداء حل بلوغ واللي كان متوجه للتوانسة الكل نتصور ... ولذلك كان بش تدخل فيها شتمان وعيات وصياح يا أخي وقتها الركشة قدام ماتش كورة فالقهوة أهون !! نحب نشير إلى أني كنت دونت قبل 2007-2008 وسكرت البلوغ ملحكيات هذي ...
نتمنى نكون واضح ومرحبا بالناس الكل :)
اخترت في بلوغي نحكي بالدارجة التونسية على خاطرها لغة الشعب أو ما سوف اسميه البنفسج بيوبل ... الشعب إلي أكثرية متاعو اليوم ما عندها حتى أدنى فكرة علي قاعدين نكتبو فيه ...وما يخفاش عليكم أنا إيماني قوي بأن ما نجمو نحررو تونس كان كيف نحرو الشعب من كل الأوبئة إلي هابطة عليه من كل حدب وصوب !!
قبل كل شي باش نحكي شوية علاش أنا التحقت بالحملة هذي ثم باش نطرق لما انتظر ملمبادرة هذي :
اليوم في تونس والحمدلله فما حركات بدات تعلى أصواتها وبدات تسغيلها وتسمعها أذان وتعطيها الفرصة بش تتكلم ...
لكن إلي يتلفت للمعارضة أو للاشخاص إلي قاعدة تتحرك هي في معضم الأحيان شلبوق حلايبي من عند رئيس المركز أو بأكثر جدية بعض القنوات التلفزية أو منظمة من المنظمات عالمية كيف منظمة حقوق الانسان... لكن الشعب وينو ؟؟ ... كيف ما يقولو ناس بكري عامل مولى الدار موش هوني !!
هنا يراودني سؤال ... أما بعد ؟؟ إلى متى عايشين فالأوهام ؟؟
سامحوني فالكلمة ... هنا فضحنا راوحنا وصحنا فالجزيرة وفي فرانس 24 وفي غيرها ... أشنوا ألي بش يفيدونا فيه ؟؟ القنوات هذي غايتها الإثارة وجلب المتفرجين ... ماهياش هي إلي باش تحررنا!!
يقول القايل باهي كيف المتفرج التونسي يحل الجزيرة ويلقى ولد بلادو يحكي على الواقع المر في تونس من حجب فالانترنت وتوريث وغيروا ... لكن الكلام هذا الكل يعرفوا المتفرج التونسي على خاطر إلي يتفرجوا على الفيديوهات متع المعارضة أو غيرها فالفسبوك هما نفسهم إلي يتفرجوا فالقنوات والبرامج ... وزد على هذا التونسي بصفة عامة كيف يسمع فلان أو فالتان يحكي يقلك السيد عايش البرة هذاك علاش متجرئ عل سيستم ... وهذاك إلي يفسر عدد المضايقات ولغتيلات إلي يقوم بها البوليس السياسي ولي ما داري بهم حتى حد ... ناس ماتت وناس تعذبت و أطفال تيتمت والشعب يتفرج في Stade 7 ... ما نحبش نطول فالحكايات هذي الناس الكل تعرفها وصراحةً توجعلي قلبي ...
إلي حبيت نقولوا هو أنو يلزمنا نتوجهو للبنفسج بيبل بأساليب أخرى ... أساليب توريه إلي فما ناس تتكلم فالبلاد وإلي الناس هذي ما تحكيش بمنطق اخطا راسي واضرب ... يلزموا يعرف إلي فما عباد قاعدة تضحي بطرف حرية إلي عندها من أجل حرية البنفسج كونتري ...
المبادرة متع حل بلوغ نرى أنها تجاوب إلى حد ما على " النظرية" متاعي ... ونتمنى انو عدد كبير مل توانسة يحلو بلوغ ونحاولو مع بعضنا نبنيو حوار قادر يحررنا مالمأزق إلي احنا فيه ... ولكن ما ننساوش انو في حلان البلوغ فما عمار قصاص الحلاوة ونتصور انو باش يتحفنا كيف مستانس بموهبتو المتميزة في الصنصرة... الحكاية هذي تو نرجعولها في وقت أخر ...
المشكلة اليوم فما عباد في تونس ما عندهاش غرام بلنترنت أو البلوغات أو حتى ما عندهاش انترنت جملة ... هل شعب الكريم هذا الكل ما تخسوش الحكايات إلي نطرقولها ؟؟ كيفاش باش نجبوهم للبلوغسفير ؟؟
أنا نتصور في مرحلة أولى يلزم حملة حل بلوغ تخرج للشارع ... على سبيل المثال إنجموا نطبعو des flyers متع حملة حل بلوغ ومثلاً نلوحوهم فالقهاوي فالمترو فالتكسي فالحكك الليلية وإلا حتى في باب زرقون ... إنجموا نكتبو بالتباشير كلمة "حل بلوغ" فالطرقات متاعنا فوق السيارات علحيوط ... إنجموا زاده نطبعو البروفيل فايسبوك متاع الصفحة الخاصة بالحملة وكيف كيف نلوحو الأوراق في كل بلاصة من أجل جلب أكبر عدد ممكن مالبنفسج بيبل ... كل واحد يحل بلوغ يحاول في قدر المستطاع يجيب زوز مدونين ويعرفنا بهم فالبلوغ متاعو ...
المشكلة اليوم فما عباد في تونس ما عندهاش غرام بلنترنت أو البلوغات أو حتى ما عندهاش انترنت جملة ... هل شعب الكريم هذا الكل ما تخسوش الحكايات إلي نطرقولها ؟؟ كيفاش باش نجبوهم للبلوغسفير ؟؟
أنا نتصور في مرحلة أولى يلزم حملة حل بلوغ تخرج للشارع ... على سبيل المثال إنجموا نطبعو des flyers متع حملة حل بلوغ ومثلاً نلوحوهم فالقهاوي فالمترو فالتكسي فالحكك الليلية وإلا حتى في باب زرقون ... إنجموا نكتبو بالتباشير كلمة "حل بلوغ" فالطرقات متاعنا فوق السيارات علحيوط ... إنجموا زاده نطبعو البروفيل فايسبوك متاع الصفحة الخاصة بالحملة وكيف كيف نلوحو الأوراق في كل بلاصة من أجل جلب أكبر عدد ممكن مالبنفسج بيبل ... كل واحد يحل بلوغ يحاول في قدر المستطاع يجيب زوز مدونين ويعرفنا بهم فالبلوغ متاعو ...
عندي كذلك اقتراح صغير : بش نشجعو التدوين النجمو نعملو Mini Blog Awards تختار أحسن بلوغ كل شهر ... ألإختيار يتم بطريقة التصويت في مدونة حل بلوغ مثلاً ...
وفي خطوة ثانية وهي ما تقلش أهمية علولة هي كيفية إبقاء المدونين ... هنا حسب خبرتي القصيرة القديمة أخيب حاجة يعيشها مدون هي أنو يلقى البلوغسفير ماكلة بعضها ... الكلها تسب في بعضها وهو يصيح في وسطهم حتى واحد لاهو معبرو ... مذابينا لو كان القدم فالتدوين ياطروالحكاية من الناحية الأخلاقية وإلي ما يحترمش نفسو يتعاقب ...إنجمو مثلاً نعملو دستور للتدوين يحترم الإختلافات المنهجية والسياسية والدينية ...
هذي بعض الانتظارات الشخصية من الحملة هذي إلي نتمنلهة النجاح ...
بنفسجيست حر
3 تعاليق:
برى خويا يرحم والديك قالو فلاير!!! هزني للفينڨا إنت!!! تكوين عصابة و نشر منشورات، فيها 78 عام حبس صديقي
سينين، ميني بلوغ أواردز في البرنامج زادة
ههههه ... ياخي الفلاير باش تحط عليهم اسمك ولا تثلب ولا تجرح ... توا دعوة فالإنترنت ولا فالشارع شنوا الفرق ؟ نشوف أن الحكاية هي بدها ... في الطريقتين تكوين عصابة كيف ماقلت إنت ... :)
على كل باهي ياسر كي فما بلوغ أوردس ...
نعرف انّو تعليقي متأخّر برشه لكن خير من بلاش.... واحنا تعرفّنا قبل مانقرالك مقالاتك... المهمّ موش باش نطوّل على خاطر عندي برشه أسئله في راسي و قلبي واجعني من قبل على بلادي و زاد توّه بعد الثوره المفترضه واللي نتصوّرها لبرشه أسباب بصّه كبيره تحت البطّانيه...
أنا نكتب من قبل كيف ماقتلك قبل وكنت ديما ملتزم قدام نفسي وقدام أصحابي بأهمّية الكتابة... ولكن الناس اللي نقابلهم والي نودعهم واللي نقابلهم في المترو والكار والنقل العمومي يخلّوني نطيّش الورقه والقلم على خاطر وجيعتهم ومشاكلهم ومعاناتهم أكبر من حدود الكلمه وأضسق من شق الباب اللي منذو قاعدين يشوفو في الدنيا و الكتايه جزء من الدنيا اللي مايحبوش يشوفوه و نعذرهم على خاطر تولهينا نطلّعوا في الديار والفيلات ونسينا باش نطلعوا جيل على الأقل يعشق الكلمه ويفهمها.... زعمه حلان مدونه هو الحل ؟؟؟ أنا نحب نقابل عباد انجم معاهم نتأكّد مالطريق اللي قاعد فيه نمشي باش نلقى على الأقل مع أشكون نتكلّم ونحكي .... وتنجم تشوف جزء ماللي قاعد نكتب فيه على صفحة الفان متاعي (مفاتيح الذاكره الصّدئه) ....
إرسال تعليق
أعطي رايك