الأربعاء، 29 ديسمبر، 2010

بكل خرم

خرم يخرم خرمة ومخروم ... كلمة تونسية تعني الشيء فقد معناه أو شرعيته أو مصداقيته بحسب السياق ... بعض الأمثلة :

تو هذا موش خرم ؟؟
إنسان يخرم ...الشخص يولي يهز ويصبت ويقول في كلام لا معنى له ... هذا دليل على الهبال أو تقدم السن ففي كلتا الحالتين مصير كلامه أن يفهم بالمقلوب ... مثال يكون يحب يبكي يولي -كما تقول بعض الفتيات الشقنوسات- كلامك يقققتل بالضحححك يا سخطة ...

إنسان مخروم ... يعني أنه تبلى بمرض الخرمة عفانا وعافاكم الله وأصبح يخرم أو يهذي ... المرض هذا ما عندوش علاقة بالسن بل هو مربوط إما ببنية نفسية هشة (كيف برشة عباد و هذا أمر يؤسفنا) أو بظروف معينة تساعد على تغلغل المرض هذا ... مثال تحس بوحدة كبيرة ، الناس الكل ضدك وحتى إلي معاك هما بيدهم مخرمين ... إحساس غريب نعرف المعالجة متاعو يلزمو راحة كبيرة وخاصةً لا للتنرفيز ...

هالحاجة خرمة ... هذا موش مرض الخرمة انما هذا ما يقال على كلام المخروم أو على مكان تعبا بالمخرومين (كالبرلمان متع برشة دول ) ...

كي يبدا واحد يخرم وتحس إلي هو تخرم وأصبح مخروم مذبيك معاش تسمعو وتدخل هاك الكلام من وذن واطيش عليك الخرم من الوذن الأخرى ... وتقول الكلام هذا خرمة أخطاني منو لا نتخرم ... هده الإسعافات الأولية في إنتظار يجي طبيب يفهملها ويعطيك الوصفة السحرية  حتى ما تتخرمش ...

ولذلك انا البارح استمعت بكل حزم لطبيبي الشافي ...طبيب الأمة ... قاهر العذارى رافع التحديات وفيقني باش ماعادش نسمع برشة خرم ... ما نطولش عليكم هو أش قالي :

إسمع يا ولدي :

 جماعة متع الفيسبوك يحكيو... بكل خرم 
الجزيرة تيفي تحكي على بلادنا... بكل خرم 
مصادر مش موثوقة ... بكلي خرم
صحافة حرة و عمار 404 ... بكلي خرم
الإنتحار والحرايق من جرت البطالة ... بكلي خرم
فقر ونفسية هشة ... بكلي خرم
الإنتفاضة والتهويل ... بكلي خرم 
النقابات والمحامين في الشوارع ؟ ... بكلي خرم 
المعارضة ؟ هههه ... بكلي خرم 
البوليسية إلي تكسر في الخلق ... بكلي خرم 
الصورة إلي عاطينها على بلادنا ... بكلي خرم 
أنا ما على بالي بكم وما نحب كان روحي ... بكلي خرم 
التليفونات إلي ترن ... بكلي خرم 
السبعة دقايق إلي خسرتهم معاك ... بكلي خرم ... بكل خرم 

abuiyad

8 تعاليق:

يوميات زوجة يقول...

أنا قعدت نخمم كان في حاجة وحدة : زعمة شكون الي طلب في التليفون في الوقت هذاكا بالذات؟ :))

بنفسجيست حر يقول...

يوميات زوجة : (بدلت اسمك ؟)

مرحبا بيك
كنت بش نعمل تدوينة على الحكاية هذيك (حلقة ما بعد الأخيرة لقصة بنفسجيست وميغالو)
أما كان تلقى الإجابة ما تنسانيش ... أنيريني :)

islam_ayeh يقول...

ساهلة ياسر
محمد بوعزيزي قام من الغيبوبة ياخي طلب صاحب النظرة الإستشرافية باش يناشدو للترشح لإنتخابات 2014

guyguoz يقول...

هاك جبتها ما فمّاش واحد حكيت معاه إلّا جبدلي على لعمر إلّي يحكم أمّا آنا شاده في بحثي ماكل قلب بهيم وما في بالوش !

بنفسجيست حر يقول...

نعم إسلام :

مرحباً بيك ... إمكانية واردة برشة خاصةً كيف تمت استضافت العايلة متاعو ... أما أنا نشك في طارق المكي :D

غيغوز:

مرحبا بيك :)
هههه ... حلوة ياسر واكل قلب بهيم هههه
ياخي إلي يجبد على العمر وين كان يعيش قبل ؟

نظافة مثالية يقول...

شركة تنظيف منازل بالجبيل
شركة تنظيف بالجبيل
شركة تنظيف بيوت بالجبيل

شركة تنظيف مجالس بالجبيل
شركة تنظيف شقق بالجبيل
شركة تنظيف فلل بالجبيل

شركة تنظيف خزانات بالجبيل
شركة تنظيف مسابح بالجبيل

نظافة مثالية يقول...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر

نظافة مثالية يقول...

شركة المثالية للتنظيف بالاحساء
المثالية للتنظيف الاحساء
شركة المثالية لمكافحة الحشرات بالاحساء

إرسال تعليق

أعطي رايك