مدونة كاليمارو: وداعاً يا بنفسج

البنفسجي اليوم نودعوك ...في كل بلاصة زرعوك
حبوك تكون لون مبارك ... اليوم هاو جا نهارك
من شوارعنا نفسخوك ... وفي تاريخنا نتذكروك
يا بنفسجي العيب مش فيك ... أما فلي غناو عليك

اليوم أنا زادة بش نخونك ... معادش نحمل لونك

ما تغزرليش هكى ما تلومنيش ...

شوف إلي خدموك سنين ... وباعوك في رمشة عين

أنا ربيت عليك الكبدة وحبيتك ... ستنيتهم يقلعوك و من بعد نسيتك

اليوم نبدى حياة جديدة ومستقبل جديد ... نلبس لبسة جديدة ، لبسة العيد

نلبس سروال باللية وبلغة وشاشية ...و في يدي عود قرنفل و ورقة طرنجية

نلبس بالأبيض ، لون السلام ... لون الحرية ، لون الأحلام

بنفسجيست حر حتى هو مات ... اليوم يبدى حياة جديدة وينسى إلي فات

وداعاً يا عمار ... وداعاً يا صنصار

وداعاً يا بنفسجي يا حر ...

5 تعاليق:

Michmécha يقول...: sa7a look wil ism w koll chay! aya incha Allah bil barka :p
kalimero pô mal 3jibni il ism =); 22 جانفي 2011 في 7:40 م
مسلمة يقول...: esse3a ken nes tayba :D; 22 جانفي 2011 في 10:11 م
EL FAN يقول...: 9lebet el vista ya banafsajist y7orr :p

aya nchlla koll chay bel barka :)); 22 جانفي 2011 في 10:44 م
Lilia يقول...: une renaissance :))
labset el3id wel 9ronfel mafammèch ma5ir minhom
mabrouk ellabsa ejdida :); 22 جانفي 2011 في 11:32 م
كاليمارو يقول...: مشماشة:

يبارك فيك :) والعاقبة عندك يسلك عهد التغير :p

أجندة :

كاليمارو أطيب :)

فان:

يبارك فيك ... لا مش قلبان فيستا أما التجمع تحل :p

ليليا :

مرحبا :)
إي نعم هذي بداية جديدة انشالله :) ... والعاقبة ليك نشوفك لابسة نوار :)); 23 جانفي 2011 في 4:34 م